Batalha de Guilin-Liuzhou
La batalha de Guilin-Liuzhou se debanèt dins lo corrent de la Segonda Guèrra Mondiala dau 16 d'aost au 24 de novembre de 1944. Fa partida dei batalhas principalas de l'operacion Ichi-Go. Après la conquista de la màger part dei províncias de Hunan e de Guangdong, lei Japonés menacèron Guilin e Liuzhou. Coma la defensa èra principalament assegurada per de subrevivents de la quatrena batalha de Changsha, lei Chinés tenián pas pron d'efectius per defendre lei doas vilas que foguèron perdudas. Pasmens, capitèron de gardar lo contraròtle dei dos tèrç de la província de Guangxi.