Dobrir lo menú principal
Fotografia de soudats chinés a la batalha de Changde.

La batalha de Changde se debanèt dins lo corrent de la Segonda Guèrra Mondiala dau 2 de novembre au 20 de decembre de 1943. Foguèt la consequéncia d'una ofensiva japonesa còntra la vila de Changde per mantenir la pression sus son advèrsari e l'empachar de concentrar sei fòrças sus un autre ponch dau frònt. La vila, que teniá ges de defensa importanta, foguèt conquistada lo 2 de novembre per lei Japonés que deguèron l'abandonar lo 19 après una còntra-ofensiva chinesa. Una ataca novèla permetèt ai Japonés de tornar prendre lo contraròtle de Changde lo 9 de decembre. Dins aquò, coma lo premier còp, aquela presa foguèt provisòria car l'armada chinesa organizèt tornarmai una tiera de còntra-ofensivas que li permetèron de reconquistar la vila lo 20 de decembre marcant la fin de la batalha.

Lo bilanç militar foguèt de 50 000 soudats perduts per lei Chinés e de 40 000 per lei Japonés. Pasmens, lei pèrdas civilas foguèron tanben fòrça importantas (benlèu 300 000 mòrts[1]) en causa de l'utilizacion massiva d'armas quimicas e bacteriologicas per l'armada imperiala.

Liames intèrnesModificar

BibliografiaModificar

Nòtas e referénciasModificar

  1. Aqueu nombre foguèt donat per lo pilòt polonés Witold Urbanowicz que participava alora au conflicte dins l'aviacion dei nacionalistas.