La peninsula de Bassa Califòrnia es una peninsula al nòrd-oèst de Mexic. Es entre l'ocean Pacific, a l'oèst, e lo golf de Califòrnia, a l'èst.

Fa 1247 kilomètres de long, entre la ciutat de Mexicali e lo cap Sant Luc.

De l'independéncia de Mexic a 1931, èra un territòri federal, lo territòri de Bassa Califòrnia. En 1931 foguèt copat en dos territòris, lo de Bassa Califòrnia del Nòrd, que venguèt estat federal en 1952 jol nom d'Estat de Bassa Califòrnia, e la Bassa Califòrnia del Sud que venguèt estat federal en 1974.