Bass Bumpers

Bass Bumpers es un grop de musica electronica anglofòna alemand emblematic de l'eurodance de las annadas 1990.

Bass Bumpers se compausa de Henning Reith (als clavièrs), dels discjòqueis Caba Kroll e CJ Stone, e tanben d'Akira Yamamoto (de son vertadièr nom : Chorn Pin Chang), qu'escriu lors tèxtes a partir de 1994.

Bass Bumpers foguèt a l'origina fondat en 1990 per Henning Reith e Caba Kroll ambe la rapaira Nana. Enregistran ambe ela un primièr tròç : Can't Stop Dancing.

Pel segond títol Get The Big Bass, recorron al rapaire E.Mello (de son nom vertadièr : Ian Freeman). Mas son puslèu revelats gràcias a la capitada del tresen simple, The Music's Got Me en 1992, ambe l'arribada de la novèla cantaira Felicia Uwaje.

En seguida auràn dos autres tubes en 1993, Move to the Rhythm e Runnin', tanben tirats del primièr album.

The Music's Got Me serà représ pel grop alemand Brooklyn Bounce en 1998 e pel projècte Purestar en 2003.