Barberà del Vallès

Barberà del Vallès es una vila pichona de 20 000 estatjants, a uèch quilomètres de la capitala catalana, Barcelona.

La construccion pus anciana de tota la vila es la glèisa apelada la Romànica, del sègle XI. Aprèp, vèrs l'an 1960, amb l'arribada d'immigrants del sud d'Espanha, la vila s'espandiguèt fins qu'arribèt a sos limits amb las autras vilas vesinas, Sabadell, Cerdanyola del Vallès e Badia del Vallès. Per la vila passa lo flum Ripòlh, qu'es plan contaminat per las fabricas que se tròban a son òrle.

Avuèi, es una vila amb pauc comèrci, pr'amor que la màger part dels estatjants i van sonque per dormir. Aital, l'activitat es concentrada dins una sola avenguda, apelada Avinguda del Doctor Moragas, ont se tròban la màger part dels comèrcis e lo mercat municipal.