Barbara
Monique Serf, dicha Barbara, es una autora, compositritz, pianista e cantaira francesa, nascuda lo 9 de junh de 1930 a París (França) e mòrta lo 24 de novembre de 1997 còsta París a Neuilly-sus-Seina (França). A sovent abitat en Belgica a la debuta de sa carrièra musicala entre 1950 e 1955, ont a crosat e s'es ligada d'amistat ambe Jacques Brel.
.jpg)
En 1958, comença d'aver una capitada publica sus la scèna de cabarets parisencs coma L'Écluse : enregistra son primièr 45 torns amb los títols J'ai troqué e J'ai tué l'amour, puèi son primièr album Barbara à L'Écluse en 1959.
En 1960 e 1961, enregistra dos albums de represas de Brassens puèi de Brel. Jòga en primièra partida de Georges Brassens en 1964. Sa popularitat creissenta li permet de venir alavetz a partir d'aquela annada de 1964 l'una de las cantairas emblematicas de la scèna francesa : en 1965, jòga sus la scèna de Bobino, e en 1969, a l'Olimpia, e en 1970, enregistra l'Aigle noir que demòra encara uèi son disc lo mai conegut. D'alhors, en 1971, la cantaira catalana Maria del Mar Bonet a tanben obtengut de succès ambe una represa en catalan de la cançon L'Aigle noir (L'Àguila negra).[1]