Banca Otomana
La Banca Otomana èra una banca creada en 1856 a Constantinòple per de Britanics, la Banca de París e dei País Bas e lo govèrn otoman. Tenguèt lo ròtle de banca centrala de l'Empèri Otoman e de Turquia fins a la creacion de la Banca centrala de la Republica de Turquia en 1931. Après aquela data, venguèt una banca comerciala que se desvolopèt en Orient Mejan onte sostenguèt leis interès britanics. Puei, a partir deis annadas 1950, de brancas foguèron dubèrtas dins d'autrei regions dau mond. En 1996, foguèt venduda a la banca turca Doğuş Holding. En 2001, son proprietari novèu la fusionèt ambé la Garanti Bank e lo nom Banca Otomana dispareguèt.
