Baia de Chesapeake

La baia de Chesapeake es un estuari situat dins los Estats americans de Maryland e de Virgínia. La baia es separada de l'ocean Atlantic per la peninsula de Delmarva amb sa boca situada entre lo cap Henry e lo cap Charles. Amb la part nòrd dins Maryland e la part sud en Virgínia, la baia de Chesapeake es una caracteristica importanta per l'ecologia e l'economia d'aqueles dos Estats. Mai de 150 flumes e rius s'escampan dins lo bacin de drenatge de 166 534 km2, que cobrís parcialament sièis Estats (Nòva York, Pennsilvània, Delaware, Maryland, Virgínia e Virgínia Occidentala) e tot Washington, DC. La baia a una longor d'aperaquí 320 km dempuèi son cors superior nòrd dins la ribièra Susquehanna fins a son escampador dins l'ocean Atlantic. Mesura 4,5 km de larg a son punt pus estrèit (entre Plum Point del comtat de Kent près de Newtown e la riba del comtat de Harford près de Romney Creek) e a 48 km al pus lare (fins al sud de la boca de Potomac). . Lo litoral total, afluents comprés, es de 18 804 km, enrodant una superfícia de 11 601 km2. La prigondor mejana es de 6,4 m, atenhent un maximum de 174 53 m. La baia es traversada dos còps, dins Maryland per lo pont de la baia de Chesapeake de Sandy Point (près d'Annapolis) a l'illa Kent e en Virgínia pel pont-tunèl de la baia de Chesapeake religant Virginia Beach amb lo cap Charles. Coneguda a l'encòp per sa beutat e sa generositat, la baia perdèt en biodiversitat aqueles darrièrs ans, amb mens de crancs e d'ustras. Los recents esfòrces de restauracion entreprés dins los ans 1990 se perseguisson e mòstran un potencial de creissença de la populacion d'ustras indigènas. La santat de la baia de Chesapeake s'es melhorada en 2015, amb tres annadas consecutivas de ganhs durant las quatre darrièras annadas, segon un novèl rapòrt de l'Universitat de Maryland.

Vista sattelita
Mapa