Baby boom
Lo baby boom o « pic de la natalitat » es un aument important del taus de natalitat dins unes païses, just après la fin de la Segonda Guèrra mondiala. Los enfants nascuts pendent aquel periòde son a vegadas nomenats los « baby boomers ».
Aquel periòde s'espandís de 1945 fins a 1975[1] Dins gaireben totes los païses nordeuropèus. Per unes païses coma Franca, comencèt mai lèu, a partir de 1942[2] e per d'autres contunhèt fins a 1974, mas d'intensitat mendre[3]. Pendent las doas primièras decennias del sègle XXI, los baby boomers que prenon la retirada en massa creèron un novèl efièch socioeconomic important: Lo « papy boom ».
Fin de la Segonda Guèrra mondiala
modificar
La Segonda Guèrra mondiala s'acaba en 1945 per una victòria totala dels Aliats, amb l'Union de las republicas socialistas sovieticas, Canadà, los Estats Units d'America, França e Lo Reialme Unit. Se cavèt un grand valat dins l'economia e la demografia dins gaireben totes los païses d'Euròpa, l'America del Nòrd ela beneficièt d'un reviscol economic e d'una explosion demografica istorica[4].
Generacion sociologica
modificarLos baby boomers son tanben una generacion sociologica. Segon la teoria de William Strauss e Neil Howe, la generacion dels boomers occidentals seriá compausada subretot d'idealistas e d'egocentrics. Aquela generacion seriá en conflicte amb la generacion X e auriá a vegadas de dificultats a comprene lo conservatisme, l'omogeneïtat e las capacitats de trabalh en equipa que realizan lors enfants de la generacion Y.
Lo sociològ francés Louis Chauvel soslinha Lo benastre istoric excepcionel dels membres d'aquela generacion, dins los païses occidentals, e soslinha çò que considèra coma la lor responsabilitat dins la crisi que vivon las generacions seguentas. Al contrari, de cercaires coma Claudine Attias-Donfut o Serge Guérin rebutan aquel vejaire mecanista e soslinhan l'importança de las solidaritats entre las generacions. Monstran que las disparitats se realizan d'en primièr dins cada quita generacion.
Notas e referéncias
modificar- ↑ INED definicion de Baby boom (fr)"Institut Nacional d'Estudis Demografics".
- ↑ Patrice Minart, op. cit.
- ↑ (fr)
- ↑ S.a., Le Canada de l'après-guerre à la fin des années 1950, in Histoire du Canada, page consultée le 4 mai 2009.