Babeldaob

L’illa de Babeldaob, o Babelthuap es l'illa mai granda de Belau. Es dins l'archipèla de las Carolinas, en Micronesia que n’es la segonda illa mai granda (331 km²) après Guam.

Situacion de l'illa a Belau.

Geografia

Coma es l'illa mai granda de Belau, se decidiguèt en 2006 d’i transferir la capitala, qu'es desenant dins la vila de Melequeòc, sus la còsta orientala. Babeldaob representa 72% de la superficia totala de Belau e caup 10 dels 16 estats, per solament 30% de la populacion de la republica. Al sud-oèst de Babeldaob i a l'illa de Coror, qu’i es lingada per un pont de mai de 400 m. Es ailà qu’èsta la mai granda partida de la populacion de l'archipèla.

Estats sus l'illa de Babeldaob, del nòrd al sud:

• Ngarchelong,
• Ngaraard,
• Ngardmau,
• Nguival,
• Ngueremlengui,
• Melequeòc,
• Ngchesar,
• Ngatpang,
• Aimeliic e
• Airai.

Retlèu

Lo mont Nguerchelchoos, ponch mai naut de l'illa.

L'illa de Babeldaob es fòrça montanhosa. Son ponch mai naut es a 242 mètres. L’interior es fach de bòsques, la còsta occidentala de mangròva, l'orientala de platjas d’arena.

Arqueologia

Monolites de pèira negra a Ngarchelong.

Al nòrd de l'illa i a de monolites de pèira que se n’es pas encara explicada l’origina.