August Pi i Sunyer

August Pi i Sunyer, tanben escrich posteriorament Pi-Sunyer (Barcelona, 12 d'agost de 1879 - Ciutat de Mexic, 12 de genièr de 1965) foguèt un mètge fisiologista e politician catalan. Trabalhèt coma professor e universitari de fisiologia a Sevilha e a Barcelona, dirigiguèt l'Institut de Fisiologia, ont creèt una escòla de grand prestigi internacional. Foguèt tanben membre de l'Institut d'Estudis Catalans, participèt a la creacion de l'Union Federala Nacionalista Republicana e fondèt la Societat de Biologia.

Posteriorament decidiguèt de ligar sos dos noms amb un jonhent coma es vengut usatge dins lo nom de sos enfants, lo bioquimista Cèsar Pi-Sunyer i Bayo e l'economista e politician Pere Pi-Sunyer i Bayo. Aprèp la guèrra civila, deguèt partir de Catalonha coma mantun republican. Visquèt alara son exili primièr a París, puèi a Veneçuèla abans de s'installar a Mexic en 1963.