Astrometria
L’astrometria (ò astronomia de posicion a temps passat) es la branca de l'astronomia qu'avalora la posicion, la distància e lo movement deis estelas e deis autreis objèctes celèsts. Permet de donar ais astronòms un quadre de referéncia per seis observacions e d'elaborar lo Temps universau.
Es una disciplina fondamentala dins de domenis coma la mecanica celèsta, la dinamica estellara e l'astronomia galactica. Es tanben la basa observacionala de l'estudi de la dinamica dei còrs dau Sistèma Solar. En particular, permetèt de confiermar lo principi de Copernic e l'eliocentrisme.