Asteroïde de tipe S

Los asteroïdes de tipe S son d'asteroïdes principalament compausats de silicats que representan aperaquí 17 % dels asteroïdes; constituisson doncas lo segond tipe d'asteroïdes plus important, après los asteroïdes de tipe C.

Caracteristicas

Los asteroïdes de tipe S son pauc brilhants, amb un albedo de 0,10 a 0,22, e son mai que mai constituïts de silicats de fèrre e de magnèsi. Son dominants dins la part intèrna de la Cencha d'asteroïdes a mens de 2,2 UA, comuns dins la part centrala de la Cencha fins a aperaquí 3 UA, e pus escasses al delà.

Los pus grands objèctes d'aquesta categoria son, per talha descreissenta, (15) Eunomia, (3) Junon, (29) Amphitrite, (532) Herculina, (7) Iris. Son vesedors amb de gemèlas de 10x50 dins la màger part de las oposicions ; lo mai lusent, (7) Iris, pòt aténher la magnitud +7,0, çò que ne fa l’asteroïde pus luminós après (4) Vesta.