Argent natiu
L’argent natiu es un minerau blanc argent sovent ennegrit per de patinas negras. D'una duretat situada entre 2 e 2,5 e d'una densitat compresa entre 10,1 e 11,1, es compausat d'argent pur ò d'argent associat amb d'autrei metaus. Forma de cristaus octaebrics, rombododecaedrics ò cubics, mai leis agregats e lei massas filamentosas son ben pus frequentas dins la natura. Son esclat es metallic, es soluble dins l'acid nitric e es pas fluorescent.
Geologicament, l'argent natiu se troba dins lei venas idrotermalas en associacion amb divèrsei sulfurs, lo coire natiu, la calcita e l'uraninita. Lei cristaus pus famós vènon de Norvègia, de Canadà, deis Estats Units, de Mexic, de Bolívia e d'Austràlia. Pasmens, es un minerau rar qu'es esplechat per produrre d'argent.
Liames intèrnes
modificarBibliografia
modificar- (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.