Archer
L’Archer es un caçaire de carris britanic de la Segonda Guèrra Mondiala.
Desvolopat a partir dau quadre dau carri mejan Valentine, èra equipat dau canon britanic de 17 liuras capable de destrurre la màger part dei blindats alemands dau conflicte. Pasmens, en causa de la talha pichona dau Valentine, foguèt impossible d'installar una torèla vertadiera e l'equipatge deguèt se contentar d'una casamata duberta vulnebla ais atacas de l'infantariá e ai tirs de l'artilhariá. Lo canon èra dirigit vèrs l'arrier, çò que permetiá de s'enfugir rapidament après una emboscada. La produccion comencèt en febrier de 1943 e durèt fins a mai de 1945 ambé 655 unitats sortidas deis usinas Vickers. Après 1945, l'Archer foguèt utilizat per Egipte fins a 1956.