Anurognathus
Anurognathus ei un genre escantit de Pterosaure. Sonque s'a trapat enquia aué un fossil d'Anurognathus (ua maissa shens poncha) e i a pas mès que ua huelha en negatiu des despulhes d'ua esqueleta ena superficie d'ua pèira calisa d'Eischstätt, en Alemanha.
Siguec descrit en 1923 coma Anurognathus ammoni peth geològ bavarés Ludwig von Ammon. Ère Anurognathus un petit e gracios pterosaure, un des deth grop de coa longa, conegudi coma Rhamphorhyncoidea. Dens d'aguest grop aucupa ua plaça plan importanta pes sues caracteristiques. Auia ua coa cuerta e un nas peculiar o pygostyl, coma an es audèths mès encara ei classat coma rhamphorhyncoide per d'autes traches. Ei atau qu'a un uas metacarpian cuert, un cotx cuert e un cinquau det en et pe. Tamben auia un cran plan naut que hèia 3 cm de longada damb grani horats e dents petites dens ua maissa força ronda. Anurognathus ère un pterosaure qu'auia ua boca grana e se pensa qu'ère carnivòr. Tà gahar insectes coma es libelules o es abelhes de bòsc qu'ac hèia pendent eth vol e seriá plan destre. Auia un cos de sonque 5 cm de longada mès es dues ales èren plan longues (50 cm).
Hònt: The Illustrated Directory of Dinosaurs and Other Prehistoric Creatures, Greenwich Editions, 2005.