Andrieu Casterar

Andrieu Casterar, o André Castéra en francés, nascut en 1924 e mòrt lo 25 de decembre de 2007, foguèt dirigent e pòrtaparaula del movement dels vinhairons dins los ans 1960.

Vinhairon montredonés, s'impliquèt dins l'accion sindicala en 1951. Aderiguèt a la Confederacion Generala dels Vinhairons del Miègjorn a Narbona puèi al mai radical e clandestin Comitat Regional d'Accion Viticòla. En 1967 prenguèt lo cap de la revòlta dels vinhairons del miègjorn. Per milièrs, los vinhairons assistiguèron als rassemblaments qu'organizèt a Carcassona, Narbona, Besièrs e Nimes. Lèu venguèt conegut coma "lo Napoleon de las vinhas".

En 1968, se presentèt a las eleccions legislativas contra Francis Vals, deputat sortissent e cònsol de Narbona. D'unes l'acusèron de simpatia per la drecha, çò que neguèt pas, qu'èra un admirador del general de Gaulle. Foguèt batut e tornèt a son trabalh viticòla.