Anfós Ròca-Ferrièr

Anfós Ròca-Ferrièr (en francés: Louis-Alphonse Roque-Ferrier; Montpelhièr, 1 d'agost de 1844 — Montpelhièr, 18 de junh de 1907) foguèt un lingüista e escrivan occitan. Foguèt un dels occitanistas e linguistas mai importants de son epòca, que participèt a la creacion de la Revue des langues romanes en 1870 e capitanegèt l'activisme occitan del país de Montpelhièr. Majoral del felibritge, organizèt en 1878 las Fèstas Latinas de Montpelhièr, ont catalans, italians e romaneses fraternizèron amb los occitans. Creèt puèi, en 1892, lo Felibritge latin e faguèt de l'Uòu de Pascas lo pòrtavotz de l'oposicion al Felibritge oficial.

Anfós Ròca-Ferrièr
Naissença	1 d'agost de 1844, Montpelhièr
Decès	18 de junh de 1907, Montpelhièr
Ocupacion	escrivan Majoral del felibritge