Albèrt Arnavièla
Albèrt Arnavièla, escaissat l'arabi per encausa de son aparença fisica (en francés Albert Arnavielle; Alès, 22 de julh de 1844 - Montpelhièr 11 de novembre de 1927) foguèt un poèta e jornalista occitan. S'impausèt tre la publicacion de sos Cants de l'auba en 1868 coma una de las figuras màgers del reviscòl occitan de Cevena. Catolic e reialista fervent, Mistral lo sonèt "lo Sant del Felibritge".
Biografia
modificarAlbèrt Arnavièla nasquèt dins la capitala de la Cevena, Alès, en 1844 dins una familha modèsta, filh d'un paire marbrièr. Escriviá en francés e en lenga d'òc e foguèt gràcias a la lectura de la Fara-Alès que s'avodèt a l'occitan. Majoral del Felibritge de Frederic Mistral, tanben foguèt un militant reialista de l'Accion francesa, pròche de Charles Maurras. Se maridèt en 1871 e comencèt a trabalhar dins la companhiá de camin de fèrre P.-L.-M. Puèi fondèt amb qualques collègas l'Escòla de la Tabò en 1877.
Òbras principalas
modificar- Lous Cants de l'aubo, poesias lengadocianas, amb la traduccion francesa en regard, per Albert Arnavielle, Nîmes, J. Roumieux, 1868.
- Per Toulouso, au noum de Diéu, poesia lengadociana, traduccion francesa per Albert Arnavielle, seguida de Donnez aux pauvres inondés, poesia, per J. Albran, Alais, J. Martin, 1875.
- Lous Gorbs, amb traduccion francesa, Montpelhièr, Hamelin et frères, 1880.
- Pouẽsìos dau troubaire-massou Matiéu Lacroix, emb' uno Noutiço biougrafico par Frederi Mistral e uno letro, e uno pouẽsìo d'Albert Arnavielle, La Grand' Coumbo, D. Coronel, 1899.
- Las Raiolos, poesias lengadocianas, amb la traduccion en regard per Albert Arnavielle, Montpelhièr, Éditions Languedociennes, 1932.
