Ajuda:Cossí modificar una pagina en wikicòdi

Ajuda de Wikipèdia Modificar un article, una seccion, un títol, etc.

Nivèl debutant

Existisson doas menas de modificar un article sus Wikipèdia : l'editor visual e lo wikicòdi. Aquesta pagina presenta la modificacion amb lo còdi font de la pagina.

Important : Los ligams « modificar la font » d'aquesta pagina d'ajuda son pas destinats a vos exerçar.

Sagetas que mòstran los onglets « Modificar » e « Modificar la font » sus un article, e lor usatge.

Las paginas de Wikipèdia son generalament modificablas per totes, sens quitament d'inscripcion per abans, en clicant sus l'onglet que se trapa en naut a dreita de cada pagina e portant la mencion « modificar la font » o, tanben « modificar » (editor visual).

Per mai de facilitat, ligams per modificar son presents a dreita de cada intertítol d'un article. Aquestes ligams permeton de modificar solament la seccion concernida.

Abans de modificar

« nauc de sabla »]] permet de practicar lo wikicòdi sens riscar de desorganizar l'enciclopèdia. La sageta roja indica l'emplaçament de l'onglet « Modificar la font »

Ont far d’ensags ?

Podètz crear la vòstra pagina de brolhon s'existís pas ja. Per l'utilizaire Daquòs, cal crear la pagina Daquòs:brolhon puèi far un ligam sus la pagina Utilizaire:Daquòs cap a Daquòs:brolhon, o dobrir lo Wikipèdia:Nauc de sabla, una pagina especificament prevista per se preparar librament. Comprendretz atal mai aisidament la construccion dels articles dins Wikipèdia.

Cossí modificar d'un biais durable

Cadun pòt modificar lo contengut presentat en linha dins Wikipèdia, per i aportar de pichòtas correccions o de complements mai documentats. Dins un tal cas, la font deu èsser citada quitament d'un biais somari (veire Ajuda:Nota ou Ajuda:Presentatz las vòstras fonts per ne saber mai). Cal saber que las informacions d'un interès enciclopedic son las solas que son conservadas, se s'apiejan sus fonts de qualitat, que, d'un biais ideal, cadun pòt consultar aisidament sus Internet o dins una bibliotèca. Aquò sens copiar, ni plagiar un tèxte protegit per drech d'autor (ajuda).

Accès a la pagina de modificacion del còdi font

Modificar una pagina entierament : Per modificar una pagina de Wikipèdia, rendètz vos sus la pagina, puèi clicatz sus l'onglet Modificar la font que se trapa en naut de la pagina.

Posicion de l'onglet « Modificar la font » que balha l'accès a tot lo còdi font de la pagina

Modificar una seccion precisa : Se pòt modificar unicament una partida precisa de la pagina en clicant sul ligam [modificar la font] que se trapa a dreita del títol de la seccion. Aquò permet una edicion mai aisida per los articles longs.

Far la modificacion

Tot lo tèxte de la pagina es afichat, mas d'un biais diferent, dins una zòna de modificacion que podètz lo modificar.

Podètz faire dins aquesta zòna totas las modificacions que volètz, corregir las errors , apondre o suprimir tèxte, etc. Constataretz que cada paragraf es desseparat del precedent per una linha voida e que lo tèxte conten caractèrs especials coma '', ''', [[, ]]. Es la syntaxi de Wikipèdia, que permet de metre en forma lo vòstre tèxte.

Traparetz tanben en naut de la fenèstra de modificacion una barra d'aisinas que vos permetràn de realizar la màger part de las accions simplas :

	Metre en gras
	Metre en italic
	Insercion de ligams
	Insercion de referéncias

Rapèl a prepaus dels articles

• Cal pas copiar de tèxte d'una pagina web o d'un autre supòrt: respectatz lo drech d'autor.
• Vos cal trapar las vòstras informacions sus de fons verificablas (las citar).

Veire tanben

• Inserir un imatge
• Cambiar lo títol de la pagina
• Modificar l'ensenhador
• Modificar lo tablèu recapitulatiu (infobox)

Previsualizar las modificacions

Posicion del boton Previsualizar

Previsualizacion d'una modificacion

Abans de publicar las vòstras modificacions, ajatz suènh de gaitar lo resultat que produson sus l'aparéncia normala de la pagina : clicatz sul boton Previsualizar que se trapa après la zòna de modificacion. Se vesètz pas las vòstras modificacions, riscatz de far d'errors e de lordejar l'article.

La pagina amb las vòstras modificacions apareis en dessús de la zòna de modificacion, en mòde previsualizacion :

Podètz alavetz tornar a la zòna de modificacion (que se trapa ara a la fin de la pagina) per far de modificacions novèlas , puèi tornar clicar sul boton Previsualizar, e aquò tant coma volètz, fins a çò que lo resultat obtengut vos convenga.

Remarca :

• Los utilizaires anonims (dejós adreça IP) devon previsualizar abans de publicar : lo boton « Publicar las modificacions » es desactivat e es escrich « Publicar (après previsualizacion) ».

Comentar las modificacions dins la boita de resumit

Utilizacion de la boita de resumit e publicacion de las modificacions

Es una etapa importanta. En efèit, es atal qu’indicaretz als autres contributors de Wikipèdia e als lectors, la natura de las vòstras modificacions e que poiretz explicar lor pertinéncia. Per las correccions ortograficas, los apondis o las supressions d'informacions, pensatz a los justificar rapidament abans de publicar. Aqueste resumit de modificacion es lisible per lo mond tot a partir de l'istoric de l'article.

Publicar las modificacions (o las anullar)

Avètz lo dreit de vos enganar  ! Se cambiatz d’idèia e causissètz de publier pas las vòstras modificacions, clicatz sl ligam Anullar que se trapa après los botons « Publicar », « Previsualizar » e « Cambiaments en cors ». La pagina demorarà coma èra après la darrièra publicacion. Las previsualizacions son pas publicadas.

Quand sètz prèst a publicar las vòstras modificacions, podètz causir una o doas opcions disponiblas per los utilizaires connectats  :

• Modificacion menora : se pensatz que la modificacion càmbia pas substancialament la natura o l’estructura de l'article (per exemple una correccion ortografica), vos cal entalhar la casa. Aquesta indicacion es lisibla dins los istorics de las pagina amb un petit « m », per indicar una modificacion menora.
• Seguir aquesta pagina Se volètz conéisser las modificacions seguentas realizadas per d'autres contributors sus la pagina que venètz de modificar , vos cal entalhar la casa. Aquò farà aparéisser las modificacions dins la vòstra Lista de seguit.

Fin finala, après aver legit las mencions suls dreches d'autor, la citacion de las fonts e las licéncias [[1]] e [3.0], clicatz sul boton Publicar las modificacions. La vòstra modificacion es mesa en linha sul pic.

Se qualqu’un modifica la meteissa pagina dins lo meteis temps que vos, aquò pòt provocar una trucada, se sona un conflicte de versions. En aquel cas, quand enregistraretz la vòstra modificacion, un messatge vos indicarà la procedura de seguir per conciliar las modificacions concurrentas.

Existís una corcha clavièr per enregistrar (sul PC) : Alt + Maj + S. Marcha per Firefox, Google Chrome, Edge, mas pas per Opera.

Veire la font

De còps, un onglet veire la font remplaça los onglets de modificacion, permet de consultar le wikicode sus una pagina protegida (que pòt èsser modificada solament per un administrator). Podètz demandar a un administrator de far una modificacion sus la pagina, sus Wikipèdia:Demanda d'intervencion sus una pagina protegida.

Veire tanben

• Ajuda:Far los primièrs passes sus Wikipèdia
• Per crear una pagina :
  • Ajuda:Cossí crear una pagina
  • Ajuda:Compte d'utilizaire
• Ajuda:Antitust e Ajuda:Sintaxi, per la mesa en forma del tèxte (títols, listas, ligams, estiles de polícias, etc.)
• Ajuda:Interfàcia
• Wikipèdia:Editor visual
• Per tota question tecnica , veire Wikipèdia:Questions tecnicas
• Pel demai, trantalhatz pas !