Airòs
Airòs (Ayros en francés) qu’ei ua comuna de Bigòrra, reünida a Arboish per eth rei de França en 1846. Era comuna fusionada qu’ei aperada Airòs e Arboish.
Toponimia modificar
Era prononciacion qu'ei [ay'ròs] (grafia fonetica deths autors). Eras fòrmas ancianas que son : Airos ath sègle XII o XIII, Ayros en 1313 e 1349, De Airosio, en latin, en 1342, De Ayrossio, en latin, en 1379, Ayros en 1429, Airos e 1790, Airos (mapa de Cassini, ara fin deth sègle XVIII)[1].
Segon Negre, atau com Dauzat, Airòs que vien deth nom latin d'òmi Arius, dab eth sufixe aquitan -ossum[2]. Segon R. Aymard, ara possibilitat Arius + -òs, que's pòt ajustar eth nom gallic d'òme Ario, medish sufixe, o eth adjectiu gascon airós[1].
Segon Miquèu Grosclaude, era darrèra proposicion d'Aymard càmbia shens motiu lo sufixe -ossum en sufixe latin -osum [e mei eth timbre dera vocala]. Jacques Boisgontier qu'èra meileu per l'ipotèsi de Dauzat e Negre[1].
Referéncias modificar
- ↑ 1,0 1,1 et 1,2 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=875&titre=ayros-arbouix
- ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 43