Yazdgart III
Yazdgart III (mòrt en 651) fuguèt lo darrier emperaire sassanida que reinèt de 632 a sa mòrt. Succediguèt a Cosrau II (590-628) e a un periòde de crisis de succession de 628 a 632. Tre lo començament de son rèine, èra lo cap d'un estat fòrça afeblit per la lònga guèrra de 602-628 còntra lei Bizantins e deguèt faciar leis invasions deis Arabis musulmans unificats per l'islam. Vencut mai d'un còp de 634 a 642, deguèt finalament s'enfugir e fuguèt assassinat per un vassau en 651. Sa mòrt marquèt la disparicion de l'Empèri Sassanida.
|
Yazdgart III
| |
|---|---|
 | |
| Pèça de moneda dau rèine de Yazdgart III | |
| Biografia | |
| Naissença | ? |
| Decès | 651 |
| País: | Empèri Sassanida |
| Epòca: | Edat Mejan |
| Règne: | 632 a 651 |
| Davancièr: | Cosrau II |
Son fiu Peroz III venguèt vassau de la dinastia Tang e dirigiguèt un pichon principat d'Asia Centrala fins a sa mòrt.