Wikipèdia:AcuèlhLutzSus/2 de març de 2015

Bossòst ei un municipi dera Val d'Aran, en eth terçon de Quate Lòcs. Era poblacion ei de 1 121 abitants (2022).

Aucupe un terren accidentat pes contrafòrts dera sèrra que separe era Val d'Aran dera val de Luishon, er es quaus s'encastren, en tot sauvar un desnivèu de 1200 m, es afluents dera Garona pera quèrra (arrisses de Peira-ròia, Casteràs, de Marra, de Casteths), e pera sèrra de Montlude, er arriu de Margalida pera dreta.

Era vila, ar arribatge esquèr de Garona, ei plaçada ath pè deth castèth de Bossòst o era Castèra, fortificacion medievau arroïada. Siguec un centre mercadèr deth baish Aran e eth caplòc deth terçon o alcaldia de Bossòst. Era glèisa parroquiau dera Assompcion, romanica, ei deth s XII; a planta rectangulara, damb tres naus e tres absides.