Vescomtat de Lodeva

Lo vescomtat de Lodeva foguèt una jurisdiccion feudala d'Occitània englobant una partida del comtat de Lodeva.

Lo comtat de Lodeva èra generalament associat a Septimània. La manca de comtes pròpris favoriguèt l'aparicion de vescomtes depenentas de Tolosa. Après 1000, se menciona lo vescomte Hildin o Angari, esposèt Archimberta o Cheriberga, que moriguèt a Jerusalèm lo 1 d'abril de 1040. Odon son filh, esposèt Chimberga, daissèt pas a la siá mòrt (après 1048) cap de filh mascle e la filha Nobilia foguèt eretièra, esposèt Gilbèrt II vescomte de Carlat, e la filha comuna, Adèla, esposèt Berenguer, vescomte de Milhau e Gavaudan e eretèt lo vescomtat de Lodeva. Berenguer moriguèt pas mai tard de 1097 e lo vescomtat passèt a son segond filh Ricard I, amassa amb la mitat de Carlat (lo filh ainat Gilbèrt eretèt Gavaudan, Milhau e l'autra mitat de Carlat). Ricard foguèt lo paire d'Uc de Rodés (conegut coma Uc II) que possediguèt lo vescomtat, que reconeguèt probablament coma fèu catalan en 1168. En 1186 o vendèt a l'avesque de Lodeva (qu'en 1222 èran tanben comtes de Lodeva) e demorèt ligat a l'avescat fins a la Revolucion.

Nòtas e referéncias

Bibliografia

• Charles Cawley. NOBILITY.htm#_Toc496685204 Medieval Lands. 

Referéncias

• (ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Vescomtat de Lodeva ».

• Wikidata: Q9094635