Ruscus aculeatus
Verdboisset
| Règne | Plantae |
|---|---|
| Sosrègne | Tracheobionta |
| Division | Magnoliophyta |
| Classa | Liliopsida |
| Sosclassa | Liliidae |
| Òrdre | Liliales |
| Familha | Liliaceae |
| Genre | Ruscus |
Lo verdboisset o bois ponchut, bresegon, gasc. agreulon, agreulet, aruston, aruschon, auriston, aubriston,[1] gresic, escanaclocas [1](Ruscus aculeatus) es un arbrilhon de la familha de las Liliaceae (o des Ruscaceae, segon la classificacion filogenetica).
Descripcion
modificar.JPG)
Es un arbust de rizòmas, fòrça ramificat, amb de rams segondaris altèrnes transformats en cladods ovals terminats per una espina, de pichonas flors verdencas de 6 tepals (3 grands, 3 petits). Los fruches son de baias rojas.
Caracteristicas
modificar
- Organs reproductors
Tipe d'inflorescéncia: racèm de racèms
Reparticion dels sèxes: dioïc
Tipe de pollinizacion: entomogama
Periòde de florason : de setembre a abril
- Grana
Tipe de fruch: baia
Biais de disseminacion: endozoocòr
- Abitat e reparticion
Abitat tipe: sosbosc erbacèus miègeuropèus, basofils
Airal de reparticion : mediterranèu atlantic
Utilizacion
modificarFoguèt utilizat localament per Rampalms coma substitut a la brancas de bois. Los brots joves son comestibles, cruds o cuèchs, coma los espargues salvages, alara que las baias son toxicas. La planta conten un glicosid steroïdian de proprietats veinotonicas.
Propriatats medicinalas
modificarLo rizòma a de vertuts circulatòrias, perqu'es diuretic e vasoconstrictor. La racina es emollienta. Conten un glicosida esteroïdian, la ruscogenina, utilizat dins de pomadas per las emorroïdas (Ruscorectal) o las pòchas jols uèlhs (en associacion amb la quercetina). Es sovent recoltada pels vagants.
Estudi toxicologica
modificarLo bresegon conten un esaponosida e de nitrat de potassi, es pauc toxic, a de proprietats aperitivas e febrifugas.
Referéncias
modificar
- (fr)Archives d'Ajaccio, Mémoire de Jean-François Andreucci
