Vaissèu de 74 canons
Un vaissèu de 74 canons èra un tipe de naviri de linha desvolopat per França a la fin deis annadas 1730 e qu'intrèt en servici en 1739. Foguèt l'espina dorsala dei marinas militaras europèas de la segonda mitat dau sègle XVIII au començament dau sègle XIX. Ambé dos pònts d'artilhariá, èra un vaissèu de tresen reng que teniá un rapòrt excellent entre sa poissança de fuòc, sa capacitat de manòbra, sa rapiditat de construccion gràcias a un procès estandardizat, son còst e son besonh en equipatge.
