Vèuna

Vèuna ò Evèuna (Huveaune en francés) es un pichòt flume provençau (48 km long) qu'a sa fònt a la Santa Bauma e que desemboca dins lo golf de Marselha, pròchi dei plajas dau Prado, atraversant lo sud de la ciutat marselhesa d'èst en oèst.

Vèuna a Castèu Sant Antòni, a Marselha (11en)

Comunas atraversadas

Var :

• Nans
• Sant Jacariá

Bocas de Ròse :

• Auriòu
• Ròcavaira
• Aubanha
• La Pena d'Evèuna
• Marselha

Afluents

Vèuna a força de pichots afluents, e un important : Jarret (14 km long), que se geta dins Vèuna a Marselha.

Boca

Despuèi cauques anadas, Vèuna desemboca pas mai dins la mar. Sas aigas son destornadas 2,5 quilometres davans devers una estation d'espurgamen, puei escampadas dins lei calancas (òc !). Vèuna es agotada sus 2 quilometres, e fin finale la boca es emplida d'aiga de la mar. Solamen après de plueias importantas, Vèuna ana a la mar, amb molon de bordilhas que s'espandisson sus las plajas.

Toponim

Vèuna a donat son nom a la comuna de La Pena d'Evèuna.

Lo pichot Estadi de Vèuna, a Marselha, era l'ancian estadi de l'Olimpic de Marselha ; n'en demòra una carriera que son nom es la travèrsa de l'Olimpic.