Ulfberht

Ulfberht es la transcripcion modèrna de l'inscripcion presenta sus un modèl d'espasa utilizat en Escandinàvia entre 800 e 1000^[1]. Per extension, aqueu mot es uei utilizat per designar aqueu tipe d'espasa que foguèt utilizat durant lo periòde Viking^[2]. Benlèu originària de la vau de Ren, l’ulfberht classica avián una longor de 90 cm (dont 80 cm per la lama), una massa de 1,2 kg e una garda de seccion carrada de 18 a 20 cm. Sembla marcar una etapa de transicion entre l'espasa vikinga tradicionala e leis espasas caracteristicas de la chivalariá medievala. Sa particularitat principala èra la qualitat superiora de l'acier utilizat per sa fabricacion. Aquò permetiá probablament d'atacar d'un biais pus eficaç lei còtas de malhas ò de sortir la lama d'un bloquier sensa la rompre. Pasmens, lo còst de l'arma deviá èsser important e donc son usatge reduch a un elèit guerrier ò aristocratic.

Liames intèrnes

Bibliografia

(fr) Loïc Leymerégie, « L'Ulfberht, une épée d'exception en avance sur son temps », Guerres & Histoire, N°57,‎ octòbre de 2020, p. 70.

Nòtas e referéncias

↑ L'inscripcion precisa èra « +VLFBERH+T ». Pòu tanben se trobar « +VLFBERHT+ » sus d'espasas de qualitat inferiora.
↑ Aquela espasa èra utilizada per lei Vikings coma o mòstra sa preséncia dins plusors tombas dau periòde. Coma lei trachs de l'espasa son d'origina franca, èra tanben probablament utilizada dins d'autrei regions europèas. Pasmens, aquò es malaisat de demonstrar car lei defuntats èran plus enterrats amb seis armas dins lei regions francas.

[1] L'inscripcion precisa èra « +VLFBERH+T ». Pòu tanben se trobar « +VLFBERHT+ » sus d'espasas de qualitat inferiora.

[2] Aquela espasa èra utilizada per lei Vikings coma o mòstra sa preséncia dins plusors tombas dau periòde. Coma lei trachs de l'espasa son d'origina franca, èra tanben probablament utilizada dins d'autrei regions europèas. Pasmens, aquò es malaisat de demonstrar car lei defuntats èran plus enterrats amb seis armas dins lei regions francas.

[1]

[2]