Trompeta egipciana
La trompeta egipciana o trompeta d'Aïda qu'ei un instrument de coire de la familha de la trompeta. La soa particolaritat qu'ei d'estar dreta despuish l'embocadura dinc au pabalhon.
Qu'ei regularament emplegada dens las representacions de l'opera Aïda de Giuseppe Verdi. Generaument, au dia de uei, qu'ei jogada com ua trompeta modèrna e provesida de 3 pistons, mes que se n'a hargoadas dab sonque 2 o medish un (la particion de Aïda n'a besonh pas sonque d'un).
Enter las trompetas hargoadas a hauta escala uei lo dia la mei pròcha qu'ei la trompeta heraudica, mes aquesta que hè vira totun sus ua bocla petita ; la trompeta egipciana que demora donc la sola trompeta tota dreta a aquò la da lo timbre lo mei estinglant e sec enter tots los instruments de coire.