Trio Italiano d'Archi
Lo Trio Italiano d'Archi (Trio Italian de Còrdas) foguèt un trio de còrdas del sègle XX.
Istòria modificar
La primièra formacion (1957-1962) del trio foguèt : Franco Gulli (Trieste, 1èr de setembre 1926 – Bloomington, 20 de novembre 2001), al violon, Bruno Giuranna (nascut a Milan lo 6 d'abril 1933), a l'alto, e Amedeo Baldovino (1916-1998)[1] al violoncèl. En 1962, Amedeo Baldovino passèt al Trio di Trieste (trio ambe piano) ont prenguèt la seguida de Libero Lana. Dins la segonda formacion, a partir de 1962, lo violoncellista Giacinto Caramia ( (Nàpols, 7 de julhet 1923 – 21 de decembre 2015) remplaçava Amedeo Baldovino.
En 2018, un autre trio de còrdas, creat en 2004 e compausat d'Alessandro Milani (violon), Luca Ranieri (alto) e Pierpaolo Toso (violoncèl) prenguèt lo nom de Nuovo Trio Italiano d'Archi [2].
Seleccion d'enregistraments modificar
- Mozart, Divertimento per Trio de Còrdas en mi bemòl major, K. 563, "a Puchberg", ambe Giacinto Caramia (Deutsche Grammophon, LP 139 150; sembla inedit en CD (en genièr 2016)
- Beethoven, integrala dels Trios de Còrdas (ambe Giacinto Caramia), enregistrats en abril 1968 e febrièr 1969 (Deutsche Grammophon, CD 459 466-2) [3]