Transgenèsi

La transgenèsi es lo fach d'introduire un o mai d'un gèns dins un organisme viu. Aquel transgèn podrà èsser exprimit dins l'organisme transformat. Estrategia que servissiá inicialament als cercaires per fin d'estudiar la foncion dels gèns, aquel apròchi es tanben utilizat per las industrias farmaceuticas e agro-alimentàrias. Es mai que mai la nòva estrategia d’obtencion de varietats vegetalas o animalas resistentas a l'estrès biotic (parasits, insèctes) o abiotic (secada, luminositat febla). Aquelas nòvas varietats son generalament amassadas jol tèrme d'organismes modificats geneticament .