Transcripcion e transliteracion

La transcripcion es l'operacion que consista a remplaçar chasque fonema (parlem alòr de transcripcion fonologica) o chasque son (transcripcion fonetica) de 'na linga per un grafema o per un grope de grafemas d'un sistema d'escriture. 'Laidonc, 'la depend de la linga cibla, un unic fonema pòt correspondre a diferents grafemas seguent la linga considerada.

La transliteracion es l'operacion que consista a remplaçar a chasque grafema d'un sistema d'escritura un grafema o un grope de grafemas d'un autre sistema, independament de la prononciacion. 'Laidonc, 'la depend dau sistema d'escritura cibla, e pas de la linga font. Per exemple, la letra russa " ч " se translitera " č " (çò qu'aida pas bien un occitanofòne), mas se transcriu " ch " en occitan o " tch " en francés. La runa " ᚠ " (Fehu) se translitera " f ", e " ᚢ " (Ūruz) ela, se translitera " u ; y ", e se transcriu " u, y, o, v / w ".