Tom Bourdillon
Thomas Duncan Bourdillon (16 de març de 1924, Kensington - 29 de julhet de 1956, Oberland Bernés) es un alpinista e fisician britanic. Participèt a l'expedicion de reconoissença menada per Eric Shipton sus lo pendís sud dau Mont Everest en 1951. Un an pus tard, acompanhèt tornarmai Shipton durant una autra mission de reconoissença au Cho Oyu. En 1953, foguèt chausit per participar a l'expedicion de John Hunt que venguèt la premiera a agantar la cima de l'Everest. Bourdillon i aguèt un ròtle important en modernizant lei sistèmas de respiracion. Amb Charles Evans, faguèt partida dau premier pareu d'alpinistas mandats vèrs la cima de la montanha. Pasmens, en causa d'un problema tecnic sus l'aparelh respiratòri d'Evans, deguèron renonciar a 8 751 m d'altitud lo 26 de mai. Pasmens, gràcias a seis informacions, Edmund Hillary e Tenzing Norgay, la segonda còla d'alpinistas de l'expedicion, agantèron la cima tres jorns pus tard. Moriguèt en 1956 dins un accident de montanha sus la fàcia èst dau Jägihorn.
