Thierry Hazard, de son nom vertadièr Thierry Gesteau (nascut lo 7 de junh de 1962), es un cantaire pop francés, benlèu lo mai popular e lo mai emblematic d'aquel estili en França en 1990 e 1991. Sa cançon Le Jerk es estada l'un dels mai gròsses tubes en França en 1990.

1990-1991 : Lo fenomèn Thierry Hazard dins son contèxte modificar

La recèpta de Thierry Hazard e qu'a fach son succès en 1990 e 1991 foguèt de jogar sus la nostalgia de las annadas 60 e 70 en aquela debuta de las annadas 90, en adoptant totes los còdis de la pop cultura eissida a n'aqueste moment, en particular dins los tèxtes de sas cançons qu'evòcan clarament aquel periòde : Lo Jerk foguèt una dança e un sosgenre efemèr de la musica pop de las annadas 60, Poupée psychédélique es una clara allusion la mòda beatnik e hippie (son segond album s'apèla d'alhors Où sont passés les beatniks ?)[1], e la quita cançon Les brouillards de Londres fa un focus sus la capitala d'Anglatèrra, Anglatèrra que, dins las annadas 60, amb la capitada dels Beatles e de l'èrsa britpop, èra venguda lo lòc emblematic de la creation musicala a n'aquel periòde.

En mai d'aquò, Thierry Hazard fa pròva de fòrça d'umor, a tanben un sens agut de la melodia, e sos adobaments son d'excellenta factura : tot aquò explica la capitada de l'estili reviscòl nòu-pop 90 de Thierry Hazard, una pop en francés nostalgica de las annadas 60 e 70 çaquelà adaptada als còdis culturals d'aquel començament de las annadas 90.

Per tant bona que foguèt sa recèpta, Thierry Hazard veirà baissar sa popularitat a partir de 1992. Una explicacion podriá èsser justament lo cambiament de mòda, vist que i a agut justement a n'aqueste moment una clara mudason musicala ambe l'aparicion de nòus estilis... D'una part, lo rap urban en francés a començat de devenir vertadièrament popular (Benny B, MC Solaar) e a benlèu contribuït a ringardizar l'èrsa de nostalgia de las annadas hippies 60 e 70. Piri : es precisament en 91 e 92 que, venguda dels Estats-Units, arribèt l'èrsa grunge en seguida del fenomèn Nirvana, mòda qu'impausèt culturalament un estili rock mai radical entre nòu-punk e metal, çò qu'aguèt per efèit de marginalizar còp-sèc la scèna pop del començament de las annadas 90.

Enfin, d'autres encara qu'èran auditors tradicionals de musica pop de l'estili Thierry Hazard se son benlèu virats cap a la novèla musica a la mòda, la tècno-dance, musica electronica eissida de la house (U96, Felix) e qu'a conegut a n'aqueste moment precís un pic de popularitat au detriment de la musica pop facha ambe d'instument vertadièrs.

Tot aquò pòt explicar la baissa de popularitat subte de Thierry Hazard en França en 1992, quitament se las qualitats evidentas de sas composicions son pas en causa, victima puslèu d'un fenomèn de cambiament de mòda, lo grunge, la tècno-dance e lo rap prenent lo pas sus l'èrsa de nostalgia de las annadas 60.

Discografia modificar

  • 1990 : Pop Music
  • 1993 : Où sont passés les beatniks ?

Cançons mai conegudas modificar

  • Le Jerk (1990)[2]
  • Poupée psychédélique (1991)[3]
  • Les brouillards de Londres (1991)
  • Un jour c'est oui, un jour c'est non (1991)
  • Les temps sont durs (1992)
  • Julie est trop prude (1993)

Referéncias modificar

  1. http://hippie-exemple-de-contre-culture.blogspot.com/2015/01/i-naissance-dune-contre-culture-1-les.html
  2. http://www.chartsinfrance.net/Thierry-Hazard/Le-Jerk--sc1060.html
  3. http://www.chartsinfrance.net/Thierry-Hazard/Poupee-psychedelique-s1170.html