The Elder Scrolls
The Elder Scrolls es una seria de videojòcs de ròtle creada per Bethesda Softworks en 1994. Es coneguda per sa richessa mitopoïetica e per la libertat donada au jogaire dins l'exploracion e l'avançament de son personatge. A l'ora d'ara, tèn cinc episòdis principaus e plusors episòdis derivats.
La màger part dei jòcs se debanan sus lo continent imaginari de Tamriel qu'es inspirat per d'influéncias eissidas dau mond reau (manlèus a de civilizacions anticas e medievalas) e per d'elements caracteristics de la high fantaisy coma la preséncia generalizada de la magia ò l'existéncia dei dracs. L'intriga dei jòcs es ansin generalament aquela d'un eròi desconegut se dreiçant còntra d'entitats maleficas.