Teulaire

Un teulaire es un professional del bastiment que pausa suls teulats una cobèrta estanca, que l'entreten e la remenda. Trabalha de materials diferents coma: los teules, la lausa, lo zinc, las tòlas, lo bitume, lo cluèg, de postarèls, la fusta, eca. Cal tanben pausar lo supòrt de la cobèrta e d'òbras accessòrias destinats a la proteccion climatica del bastit (isolacion termica, sosteulat) e mai.

Haymerand Mullner. teulaire. 1537

Lo teulaire dels teulats penjats

Aquel tipe de teulaire realiza totas las operacions relativas a la pausa, a l’entreten o a la refeccion de las cobèrtas, subretot de teules, de lausa per de teulats penjats e de faciadas. Abans de la quita pausa, realisa l’isolacion del teulat, plaça lo sosteulat e las latas (ensems que sostenon los teules) prenent en compte la possibilitat d’installar de fenèstras de teulats, dels panèls solars e de sistèmas de ventilacion, de las antenas diversas. Un còp la cobèrta acabada, realiza d'òbras de finicion sus bòrds dels teulats, al biscre e d'autre sistèmas de voidada de las aigas pluvialas.

Presfachs relatius al mestièr

Lo teulaire d'Albert Desenfans.

• Interpretacion dels dessenhs;
• Gerís, capitenaja una equipa;
• Gerís los delais acordats per acabar las òbras a temps;
• En renovacion, verifica los supòrts (fustariá) abans de remendre lo teulat;
• Pausa, del paravapor, dels materials d’isolacion, de l'ecran sisteulat;
• Realiza l'alinhament e al traçat del teulat;
• Pausa lo contralatatge, puèi lo latatge;
• Pausa de los teules; o del material de la cobèrta (exemple: teulat, lauza, zinc, coire, nauc acièr, cluèg, eca.)
• Pausa de teules decoratius;
• Assegura la finicion del biscre (ancoratge dels teules de biscre, d'arestas, de ribas, e autres accessòris de teulat) ;
• Ajusta lo cobèrt a la fenèstras e fenestrons de teulat (zingueriá);
• (autrescòps realizava e) pausa los canals e lo sistèmas de voidada d’aiga pluviala;
• Repara e remenda los teulats;
• Monta e desmonta los equipaments de seguretat;
• Monta e desmonta los emponts e sistèmas d’escalas;

Condicions generalas d'exercici del mestièr

Aquela profession s'exerci en plen aire, sus d'òbras de construccion o de renovacion. L'activitat es mai sovent organizada en equipas. L'exercici d'aquel mestièr implica de respectar escrupulosament las règlas de seguretat e d'entretenir de bonas relacions amb los autres professionals de la construccion.

Galeria

• 
  L'emblèma dels companhs teulaires: enclutge
• 
  ... e martèl de cap carrat e de pana punchada
• 
  Teulaires al trabalh

Ligams

Articles connexes

• Teule
• Lausa
• Teulat
• Clujada