La termoquimia es la partida de la quimia qu'estudia lei fenomèns termics se debanant durant una reaccion quimica. Se desvolopèt a la fin dau sègle XIX gràcias ai progrès de la termodinamica e a l'aplicacion de sei principis au domeni de la quimia. En particular, la termoquimia permet de preveire lo sens dei reaccions quimicas, lo posicionament deis equilibris quimics e donc de definir la composicion d'un sistèma après reaccion.