Teatre nacional academic azèri d'opèra e de balet
Lo Teatre nacional academic azèri d'opèra e de balet (en azèri: Axundov Adına Azərbaycan Dövlət Akademik Opera və Ballet Teatrı) es un teatre d'opèra a Bakó, Azerbaitjan. Foguèt bastit en 1911. Lo teatre foguèt bastit a la demanda de l'entrepreneire milionari Daniel Mailov e finançat pel magnat multimilionari azeriZeynalabdin Taghiyev. Segon una legenda urbana, Mailov e lo sieu fraire foguèron pas convidat al balh d'inauguracion de l'ostal d'un famós cantaire d'opèra de Bakó lo nòu ostal (ara la sedença de SOCAR) foguèt una de las pèças mai destacadas de l'arquitectura de la vila. Doncas, los Mailovs decidiguèron erigir una bastissa de la siá proprietat en superant la fauta de tacte de la cantaira. Lo 1910, la famosa soprano russa Antonina Nezhdanova visitèt Bakó en donant de divèrses concèrts en desparièrs clubs e luòcs d'espectacles. Segon lo promés, Taghiyev paguèt totas las despensas. L'inauguracion oficiala del Teatre dels Mailovs èra programat en 28 de febrièr de 1911.
