Tata senegalés de Chasselay
Lo tata senegalés de Chasselay, oficialament necropòli nacionala de Chasselay, es un cementèri militar de la Segonda Guèrra Mondiala. I son enterrats 194 soudats dei tropas colonialas francesas e dos legionaris chaplats après sa rediccion per de soudats alemand de la division SS Totenkopf.
Aquelei soudats èran estats capturats a l'eissida d'una temptativa de resisténcia organizada per lei rèstas de plusors unitats francesas (tropas colonialas, Legion Estrangiera e artilhariá anti-aeriana) dins lo vilatge de Chasselay. Pasmens, lei tropas francesas se turtèron a de fòrças alemandas fòrça superioras (1 còntra 100) e foguèron capturats entre lo 19 e lo 20 de junh de 1940. Lei presoniers blancs foguèron alora separats dei presoniers negres que foguèron executats. Après lo chaple, leis abitants dau vilatge enterrèron lei mòrts dins un cementèri e lo tata foguèt inaugurat lo 8 de novembre de 1942.