T-62

Lo T-62 es un carri de combat sovietic aparegut en 1961 e derivat dau T-55. Son armament foguèt revolucionari car foguèt lo premier carri capable de tirar d'obús-flècha. La produccion en seria granda en Union Sovietica comencèt en 1962 fins a 1975. 20 000 exemplars foguèron fabricats. La Corèa del Nòrd e Checoslovaquia produguèron tanben aqueu veïcul.

Fotografia d'un T-62 utilizat per l'armada estatsunidenca per l'entraïnament de sei fòrças au combat còntra lei blindats d'origina sovietica.

Caracteristicas tecnicas

• Equipatge : 4.
• Autor : 2,395 m.
• Longor : 6,63 m.
• Largor : 3,30 m.
• Pes : 40 t.
• Vitessa : 50 km/h.
• Autonomia : 450 km.
• Armament principau : canon 2A20 de 115 mm (40 obús).
• Armament segondari : una mitralhiera PKT de 7,62 mm (2 500 balas).

Versions

Produccion

• T-62 : premiera version.
• T-62A o modèl 1972 : ajust d'una mitralhiera 12,7mm DShK.
• T-62K : version de comandament, d'un sistèma de navigacion TNA-3 e de ràdios suplementàrias.
• T-62 modèl 1975 : ajust d'un telemètre lasèr KTD-1 per lo canon.

Modernizacion

• T-62D : ajust d'un sistèma de defensa antimissil Drozd, d'una ràdio R-173 e motor V-55U.
• T-62D-1 : motor V-46-5M.
• T-62M : ràdio R-173, motor V-55U, sistèma de missil 9K116-1 Sheksna, sistèma de contraròtle de tir Volna amb calculador BV-62, sistèma d'estabilitat Meteor M1, sistèmas de visada TShSM-41U e 1K13, telemètre lasèr KTD-2 e blindatge renforçat. Lo pes d'aquela version es 43,9 t.
• T-62M-1 : T-62M amb motor V-46-5M.
• T-62M1 : T-62M sensa lo sistèma 9K116-1 Sheksna.
• T-62M1-1 : T-62M1 amb motor V-46-5M.
• T-62M1-2 : T-62M1 sensa lo blindatge renforçat per la torrèla.
• T-62M1-2-1 : T-62M1-2 amb motor V-46-M.
• T-62MV : T-62M amb lo blindatge reactiu Kontact de lo T-55MV.
• T-62MV-1 : T-62MV amb motor V-46-5M.
• T-62MK : version de comandament dau T-62MV.
• TO-62 : version amb lançaflamas.