Susvelhança globala

La susvelhança globala fa referéncia a la mesa en plaça d'una susvelhança mondializada sus de populacions entièras, per delà las frontièras nacionalas.

Sas racinas istoricas remontan al mièg del sègle XX, especialament après l'adopcion conjoncha pels Estats Units e lo Reialme Unit de l'acòrdi secrèt UKUSA, qu'a abotit a la mesa en plaça d'un premièr malhum de susvelhança mondial conegut jos lo nom de còdi « Echelon ».

L'existéncia d'aquesta susvelhança globala, pr’aquò, a estat largement reconeguda qu'après la cobèrta mediatica de las revelacions d'Edward Snowden, qu'an provocat un debat politic mondial en 2013 sul drech a la vida privada a l'èra del numeric.