Steyr TMP
Lo Steyr TMP es un pistolet mitralhaire desvolopat per la companhiá austriana e sortit en 1992. Es principalament destinat a un tir instintiu dins lo quadre de combats raprochats onte s'utilizan generalament de pistolets automatics o semiautomatics. Per aquò, a de caracteristicas similaras a aqueleis armas amb un pes feble (1,3 kg), una talha reducha (282 mm), una utilizacion de municions 9 mm Parabellum e una portada eficaça de 50 m. En revènge, a una cadéncia de tirs de 900 còps/mn. Lei cargaires disponibles son de 15 o 30 cartochas.
En 2003, lei drechs de desvolopament e de fabricacion foguèron crompats per la companhiá soïssa Brugger & Thomet que prepausa divèrsei melhoraments coma una cròssa que permet d'aumentar la portada eficaça a 100 m). L'objectiu de la companhiá es lo mercat dei fòrças d'intervencion estatsunidencas que pòdon aver besonh d'una tala arma.