Starshooter
Starshooter èra un grop de rock francés format a Lion en 1975 e desseparat en 1982. Èra composat de Kent Hutchinson (guitarra e cant), de Jello (guitarra), de Mickey Snack (bassa) e de Phil Pressing (batariá).
Biografia
modificarStarshooter es estat l'un dels grops emblematics del reviscòl del rock en francés a la fin de las annadas 70, a contrabriu de la scèna exagonala contemporanèa coma Shakin' Street, Dogs, Taï Phong o encara Little Bob Story, grops que preconisavan un retorn a la font del rock vertadièr en cantant en anglés sonque. D'aquesta passa, Starshooter èra a l'epòca aparentat a grops similars coma Téléphone e Bijou.
Pròishes del punk, son responsables d'un petit escandal que lor faguèt de publicitat dins aqueste mitan en escopir sus los Beatles dins una de lors primièras cançons, Get Baque, que las paraulas disián aital « volèm pas pus dels Beatles e de lor cagada de musica bona a far dançar los micoquets ». Quitament se Get baque es aital venguda una cançon emblematica del punk francés, lor cançon la mai coneguda es pr'aquò puslèu Betsy party.
Entre 1978 et 1981, an sortit quatre albums, puèi se son desseparats en 1982. En seguida, Kent a començat une carrièra en solitari onorabla[1], pr'aquò en abandonar lo rock per se virar ambe succès cap a la cançon francesa (Reste encore en 1989, J'aime un pays en 1990, Allons z'à la campagne en 1994, Dis-moi, est-ce que tu m'aimeras en 1996...)[2].
Discografia
modificar- 1978: Starshooter
- 1979: Mode
- 1980: Chez les autres...
- 1981: Pas fatigué
Cançons mai conegudas
modificar- Get baque (1978)
- Betsy Party (1979)
- Ma vie c'est du cinéma (1979)
- Papillon de nuit (1981)
- Quel bel avenir (1981)
- Méfie-toi des avions (1981)