Site nuclear de Marcola
Lo site nuclear de Marcola creat en 1956, s'estend sus lei comuna de Chusclan e Codolet, pròchas de Banhòus de Céser, dins Gard e de Pèiralata, en Droma[1]. Aqueu site industrial, situat au ras de Ròse entre Montelaimar (45 km en amont) e Avinhon (30 km en avau), es localizat en plena region dei Còstas de Ròse, zona toristica, agricòla e viticòla. Nimes es situada a 45 km au sud-oèst dau complèxe.
Lo site de Marcola vegèt espelir leis aplicacions industrialas e militaras dau plutonium en França. Lei recercas pòrtan sus lo cicle dau combustible nuclear e lei projèctes de reactors nuclears. L'arrivada en fin de vida d'uneis installacions se tradutz per la mesa en plaça de chantièrs de desmantelament, e lo lançament de projèctes novèus.
Sus lo site de Marcola trabalhan aperaquí 5 000 personas, dont 1 550 salariats dau Commissariat a l'energia atomica e ais energias alternativas (CEA)[2]. Areva i emplega aperaquí 1000 personas[3] per l'assaniment e lo desmantelament deis installacions nuclearas arribadas en fin de vida e per l'esplecha d'installacions industrialas[4].