Shlomo Sand

Shlomo Sand (שלמה זנד en ebrèu) qu'ei professor d'Istòria a l'Universitat de Tel Aviv.

Shlomo Sand

Que vadó a Linz en Àustria lo 10 de seteme de 1946 en ua familha de subervivents de l'Olocaust d'origina polonesa. Que passè los dus purmèrs ans de vida en camps de refugiats en Alemanha. Que creishó en Israèl. Arron de l'experiéncia traumatizanta de la Guèrra deus Sheis Dias, a la quau e participè com simple soldat, que s'estaquè a l'extrèma esquèrra israeliana favorabla a duas republicas diferentas dens la perspectiva d'ua confederacion. Au miei deus ans 1970 que completè los sons estudis universitaris a París on escrivó devath la direccion de Madeleine Rebérioux ua mestria sus Joan Jaurés e ua tèsi sus Georges Sorel redigida e sostienguda en francés. Tornat en Israèl, que s'interessè a l'istòria deu cinèma, a l'istòria intellectuau e, mei recentament, a l'istòria deu pòble judiu.

Qu'ei atau qu'en 2008 e publiquè «L'invencion deu pòble judiu».