Shirkuh

Shirkuh (mòrt lo 23 de març de 1169, Lo Caire) es un generau curd de l'atabeg Nur ad-Din. Oncle de Saladin, ocupèt divèrsei posicions au servici de son senhor e foguèt nomat vizir per lo califa fatimida Al-Adid. De facto vengut lo cap de l'Egipte Fatimida, foguèt remplaçat a sa mòrt per Saladin.

Biografia

Oficier seldjokida, intrèt au servici de Zengi amb son fraire Ayyub dins leis ans 1130. Après l'assassinat de Zengi en 1146, passèt au servici de son fiu, Nur ad-Din e participèt a plusors combats importants coma la batalha d'Inab en 1149. En 1154, tenguèt tanben un ròtle important dins la presa de Damasc per Nur ad-Din. Ansin, en 1164, foguèt mandat en Egipte amb una importanta armada per restablir lo poder dau vizir Shawar, reversat en 1163 per un còp d'Estat militar. Prenguèt aisament lo contraròtle de la region bassa mai, fins a sa mòrt, deguèt luchar còntra de temptativas d'invasions francas e bizantinas e de revòutas en Egipte Auta. Venguèt pauc a pauc lo cap vertadier dau país e foguèt nomat vizir per lo califa lo 18 de genier de 1169. Pasmens, moriguèt quauquei setmanas pus tard. Son nebòt Saladin li succediguèt.

Annèxas

Liames intèrnes

• Ayyub.
• Califat Fatimida.
• Nur ad-Din.
• Saladin.

Bibliografia

• (fr) René Grousset, Histoire des croisades et du royaume franc de Jérusalem, Perrin, 1936.
• (fr) Amin Maalouf, Les Croisades vues par les Arabes, J’ai lu, 1983.