Sheik Umar Khan

Sheik Umar Khan (1975 - Kailahun, 29 de julhet de 2014) foguèt un mètge, virologista, e epidemiologista sierraleonés. Aqueste doctor venguèt un dels pionièrs de l'estudi e del tractament del virus Ebola dins son país durant l'epidémia qu'afectèt l'Africa de l'oèst en 2014. Moriguèt a l'edat de 39 ans dins un centre medical dels Mètges Sens Frontièras a Kailahun una setmana aprèp d'èsser estat infectat per la malautiá, lo 29 de julh de 2014.

Biografia

Sheik Umar Khan estudièt las sciéncias medicalas a la Facultat de Medecina e de Sciéncias de la Santat de l'Universitat de Sierra Leone ont se diplomèt en 2001 en medecina e cirurgia. Trabalhèt puèi fins a 2005 pel ministèri de la santat de Sierra Leone. Obtenguèt aprèp una promocion que lo portèt a capitanejar lo programa de lucha contra la fèbre de Lassà a l'espital governamental de Kenema.