Segonda ofensiva Jassy–Kishinev
La segonda ofensiva Jassy–Kishinev se debanèt dins lo corrent de la Segonda Guèrra Mondiala dau 20 au 29 d'aost de 1944. Organizada per l'Armada Roja en parallèl de l'Operacion Bagration e de l'ofensiva Lvov–Sandomierz, foguèt una ofensiva majora còntra Romania defenduda per leis armadas alemanda e romanesa. S'acabèt per una victòria sovietica importanta ambé la destruccion de la 6a Armada alemanda e de la 4en Armada romanesa e l'invasion d'una partida de Romania. Aquò entraïnèt la retirada generala deis Alemands qu'abandonèron la màger part dei Balcans. De mai, un còp d'estat favorable ais Aliats arrestèt lo marescau Ion Antonescu lo 23 d'aost. Lo rèi Miquèu Ièr reprenguèt lo poder e declarèt la guèrra ai fòrças de l'Axe tre lo 24 d'aost.
Dins lo corrent d'aquela ataca, lei Sovietics perdiguèron 67 000 òmes (13 000 tuats e 54 000 bleçats), leis Alemands 215 000 (100 000 tuats e 115 000 presoniers) e lei Romanés 17 000 tuats (8 600 entre lo 20 e lo 23 d'aost, 8 300 après son cambiament de camp).