Scipion l'African
Scipion l'African (235-183 avC) foguèt un generau e un politician roman. Fasiá partida de l'ostau dei Scipions e èra lo fiu de Publius Cornelius Scipio, cònsol en 218 avC. Aguèt un ròtle decisiu dins la victòria romana a l'eissida de la Segonda Guèrra Punica (218-201 avC) gràcias a sa conquista de la Peninsula Iberica e sa victòria de Zama. Per la seguida, gardèt un ròtle important dins la politica romana (consòl e censor) fins a son retirament.
