Saussissa

Una saussissa (var. salsissa[1]) es un produch de carnsalada compausat d'una preparacion, contenent principalament de carn chaplada mesclada amb d'ingredients coma d'espècias e de condiments, qu'es depausada dins un budèu d'origina intestinala ò sintetica. Lo budèu es sarrat a sei dos bots, çò que permet de donar la forma d'un tube a la preparacion e de facilitar son transpòrt.

Fotografia de tres saussissas diferentas.

L'invencion de la saussissa sembla fòrça vièlha car de saussissas son mencionadas dins l’Odissèa d'Omèr, dins de tèxtes romans e dins de documents chinés. Aquò permetiá probablament una conservacion e un transpòrt pus aisats[2]. En causa d'aquela aparicion anciana, lei saussissas fan partida de la gastronomia de mai d'una region e lei variantas son fòrça nombrosas. Fins a la segonda mitat dau sègle XX, èran generalament destinadas a l'alimentacion dei classas pus aisadas. Pasmens, aquò cambièt amb l'aparicion de saussissas industrialas fabricadas a partir de curum de carns comestiblas plaçats dins d'envolopas artificialas.

Liames intèrnesModificar

BibliografiaModificar

Nòtas e referénciasModificar

  1. Lo Congrès Permanent de la Lenga Occitana, Dicod'Òc, cèrca « saucisse », consultat lo 16 d'aost de 2021, [1]
  2. Dins lei legions romanas, la talha dei saussissas permetiá de facilitar la logistica car una saussissa èra egala a una racion.